home | about | text | readings/perfs/wkshps | contact


I be my mama picken, propah propah.
I dey carry ha moon,
she dey carry my sun.
We dey chop-chop
'til our belleh full wid stars.


Wetin?
you wan' make I give you what?
one star???
[claps hands 3 times]
Haba, you dey craze?
You no know nah abominashon
to aks woman for ha star?

One yam?
one yam?
You wan' give me one yam
for one star?

Dis star?
dis star?
You wan' give me one yam
for dis star?

Dis whoooole star
wey you wan' give me one yam for?
Hmm. [followed by loooong kissing of teeth]

Wait dere...
wait dere...
Wait dere make I go call my mama

Wait dere...
wait dere...
Wait dere make I go call my mama
...make she come pick up slipahs
come chase you for compound like mumu

Even sef, wetin I dey wait for?
I fit do am myself, keh
My slipahs?
Where my slipahs?
my slipahs?
where e dey?

Where my slipahs?
Where my slipahs?
Where my slipahs?
where, where, where e dey?
[she looks around for the slippers like a dog chasing its tail
and picks up a broom instead, then...]

Oya come,
Oya come,
Oya come, make you come take my star

Come now,
come now,
Oya come, make you come take my star

Dear Mr Mumu, wey you dey run go?
COOOOOME TAKE AM, NOOOW 


One yam?
one yam?
You wan' give me one yam for one star
 

Foolish man,
foolish man,
You wan' give me one yam for dis star


Come make you come take my star.
No, no, come make you come take my star.
Nooo, come make you come take my star.
No, no, come make you come take my star.
[longer drawn-out kissing of teeth stretching over a day or two]



© ebele.

    .

.text...

Some of my word-based pieces...

- poetry is a woman

- i stepped on ur funk

- you've put on weight

- hip hop

- 5th july - 33°c

- wey you dey run go?

- one world

- aesthetics

- un-natural blonde



xx